અંડપિંડો ઉદરના નીચેના ભાગે દરેક બાજુએ એક – એક ગોઠવાયેલ હોય છે. અંડપિંડો તેમની સ્થિતિ ક્રમિક સ્નાયુબંધો દ્વારા જાળવી રાખે છે.

અંડપિંડો જોડમાં આવેલ, કદ અને આકારમાં બદામ જેવી ગ્રંથિઓ છે, તે લગભગ $2-4$ સેમી, લાંબી, $2$ સેમી પહોળી અને $1$ સેમી જાડી છે.

દરેક અંડપિંડ નાભિકેન્દ્ર (Hilus) પણ ધરાવે છે. જે રુધિરવાહિનીઓ અને ચેતાઓના પ્રવેશનું સ્થાન છે.

દરેક અંડપિંડ પાતળા અધિચ્છદીય આવરણ દ્વારા આવરિત હોય છે. જે અંડપિંડીય આધારક (stroma)ને આવરે છે.

આધારક બે વિસ્તારમાં વિભાજિત થાય છે : પરિઘવર્તી બાહ્યક અને અંદરનું મજ્જક.