અન્યોન્ય પ્રેરકત્વની બે વ્યાખ્યા લખો. તે કઈ કઈ બાબતો પર છે. તે જણાવો .

$\phi_{2}= M _{21} I _{1}$ સમીકરણમાં જો $I _{1}=1$ એકમ લેવામાં આવે, તો $\phi_{2}= M _{21}$ પરથી વ્યાખ્યા આ મુજબ અપાય.

વ્યાખ્યા : "બે ગૂંચળાઓના તંત્રમાંના એક ગૂંચળામાં વહેતા એકમ વિદ્યુતપ્રવાહ દીઠ બીજ ગૂંચળા સાથે સંકળાયેલા ફલક્સને તે બે ગુંચળાઓના તંત્રનું અન્યોન્ય પ્રેરક્ત્વ કહે છે."

$\varepsilon_{2}=- M _{21} \frac{d I _{1}}{d t}$ માં જો $\frac{d I _{1}}{d t}=1$ એકમ લઈએ તો $\varepsilon_{2}=- M _{21}$ થાય તેના પરથી વ્યાખ્યા આપતાં.

વ્યાખ્યા : "બે ગુંચળાઓના તંત્રમાંના એક ગૂંચળામાં વિદ્યુત્રવાહના ફેરફારનો દર એક્મ હોય, તો તે સ્થિતિમાં બીજા ગૂંચળામાં ઉદ્ભવતા પ્રેરિત $emf$ ને બે ગૂંચળાઓના તંત્રનું અન્યોન્ય પ્રેરકત્વ કહેવાય છે."

અન્યોન્ય મ્રેરકત્વનો એકમ $Wb/A$ અથવા $Vs/A$ અથવા હેન્રી અથવા $\Omega s$ છે.

અન્યોન્ય પ્રેરકત્વ નીચેની બાબતો પર આધારિત છે.

$(1)$ ગૂંચળાઓના આકાર

$(2)$ તેમના પરિમાણ

$(3)$ તેમના આંટાઓની સંખ્યા

$(4)$ ગૂંચળાંઓ વચ્ચેના માધ્યમના ચુંબકીય ગુણાધર્મ

$(5)$ તેમના સાપેક્ષનમન

$(6)$ તેમની સાપેક્ષ ગોઠવણ. (તેમની વચ્ચેના અંતર)