પ્રક્ષિપ્ત પદાર્થો પ્રાપ્ત કરેલ અવધિ માટેનું સૂત્ર મેળવો અને મહત્તમ અવધિનું સૂત્ર મેળવો.
અવધિ : "પ્રક્ષિપ્ત પદાર્થને પોતાની પ્રારંભિકસ્થિતિ $(x=0, y=0)$ માંથી અંતિમ સ્થિતિ $(x= R , y=0)$ સુધી પહોંચતા, સમક્ષિતિજ દિશામાં કાપેલાં કુલ અંતરને તેની અવધિ $R$ કહે છે."
અવધિ જેટલું અંતર કાપતાં પ્રક્ષિપ્ત પદાર્થને લાગતો સમય $t_{ F }$ છે.
કોઈ પણ સમયે પ્રક્ષિપ્ત પદાર્થના $x$ - યામના સમીકરણમાં $x= R$ અને $t=t_{ F }$ મૂકતાં,
$\therefore \quad x=\left(v_{0} \cos \theta_{0}\right) t$
$\therefore \quad R =\left(v_{0} \cos \theta_{0}\right) t_{ F }$
$\therefore \quad R =\left(v_{0} \cos \theta_{0}\right)\left(\frac{2 v_{0} \sin \theta_{0}}{g}\right)$
$\left[\because t_{ F }=\frac{2 v_{0} \sin \theta_{0}}{g}\right.$ મૂકતાં $]$
$\therefore \quad R =\frac{2 v_{0}^{2} \sin \theta_{0} \cos \theta_{0}}{g}$
$\therefore \quad R =\frac{v_{0}^{2}\left(2 \sin \theta_{0} \cos \theta_{0}\right)}{g}$
$\therefore \quad R =\frac{v_{0}^{2} \sin 2 \theta_{0}}{g}$
જે અવધિનું સૂત્ર છે.
આ સમી.પરથી કહી શકાય કે અવધિનું મૂલ્ય પ્રારંભિક વેગ અને પ્રક્ષિપ્ત કોણ પર આધાર રાખે છે.
મહત્તમ અવધિ $\left( R _{\max }\right):$
$\sin 2 \theta_{0}=1$ થાય ત્યારે મળતી અવધિ મહત્તમ હોય છે.
$\therefore R _{\max }=\frac{v_{0}^{2}}{g} \quad\left[\because \sin 2 \theta_{0}=1\right]$
અને મહત્તમ અવધિ માટેની શરત એ છે કે $\sin 2 \theta_{0}=1$.
$\therefore 2 \theta_{0}=90^{\circ}$
$\therefore \quad \theta_{0}=45^{\circ}$
આમ $\theta_{0}=45^{\circ}$ ના કોણે પ્રક્ષિપ્ત પદાર્થની અવધિ મહત્તમ હોય છે.
આમ, મહત્તમ અવધિનું મૂલ્ય માત્ર પ્રારંભિક વેગ પર જ આધાર રાખે છે.
$(a)$ દર્શાવો કે કોઈ પ્રક્ષિપ્ત પદાર્થ $x$ -અક્ષ તથા તેના વેગ સદિશ વચ્ચે બનતો ખૂણો સમયના પદમાં નીચે પ્રમાણે દર્શાવી શકાય છે :
$\theta(t)=\tan ^{-1}\left(\frac{v_{0 y}-g t}{v_{0 x}}\right)$
$(b)$ ઊગમબિંદુ આગળથી પ્રલિપ્ત કરેલા પદાર્થનો પ્રક્ષિપ્ત કોણ
$\theta_{0}=\tan ^{-1}\left(\frac{4 h_{m}}{R}\right)$
વડે અપાય છે તેમ સાબિત કરો. અહીં સંજ્ઞાઓને પ્રચલિત અર્થ છે.
એક માણસ મહત્તમ $136\,m$ શિરોલંબ ઊંચાઈ સુધી બોલ ફેકી શકે છે. સમાન બોલને મહત્તમ સમક્ષિતિજ કેટલા અંતર ($m$ માં) સુધી ફેંકી શકે છે તે $.....\,m$ છે
પદાર્થને સમક્ષીતિજ સાથે $30^o$ ના ખૂણે $30\, m/s$ ના વેગથી ફેકવામાં આવે તો $1\, sec$ પછી તેનો વેગ કેટલો થાય?
પ્રક્ષિપ્ત પદાર્થનો ગતિપથ હવાની ગેરહાજરીમાં તૂટક રેખા વડે દર્શાવેલ છે,તો હવાની હાજરીમાં પ્રક્ષિપ્ત પદાર્થનો ગતિપથ નીચેનામાથી કયો છે?
પ્રક્ષિપ્ત ગતિ અને પ્રક્ષિપ્ત પદાર્થ વ્યાખ્યાયિત કરો.