કોઈ વસ્તુ શૂન્ય અસંતુલિત બાહ્યબળ અનુભવે છે. શું તે વસ્તુ માટે અશૂન્ય વેગથી ગતિ કરવી શક્ય છે? જો હા તો વસ્તુના વેગનું મૂલ્ય અને દિશા માટે જરૂરી શરતોનો ઉલ્લેખ કરો. જો ના, તો કારણ સ્પષ્ટ કરો.

એક $50\, g$ દ્રવ્યમાનની ગોળી $4\, kg$ દ્રવ્યમાનની રાઇફલમાંથી $35\, m \,s^{-1}$ વેગથી છોડવામાં આવે છે. રાઇફલનો પ્રારંભિક રીકોઇલ વેગ($m/s$ માં) ગણો.

નીચેના પૈકી કોનું જડત્વ વધુ છે : $ (a) $ રબરનો દડો અને તેટલા જ પરિમાણવાળો પથ્થર $(b)$ સાઇકલ અને ટ્રેન $(c)$ પાંચ રૂપિયાનો સિક્કો અને એક રૂપિયાનો સિક્કો

$1.5\, kg$ જેટલું સમાન દળ ધરાવતી બે વસ્તુઓ સુરેખ પથ પર એકબીજાની વિરુદ્ધ દિશામાં ગતિ કરી રહી છે. અથડામણ પહેલાં બંનેનો વેગ $2.5\, m\, s^{-1}$ છે. જો અથડામણ બાદ બંને વસ્તુઓ એકબીજા સાથે જોડાઈ જતી હોય, તો તેમનો સંયુક્ત વેગ($m/s$ માં) કેટલો હશે ? 

અખ્તર, કિરણ અને રાહુલ કોઈ એક્સપ્રેસ હાઇવે પર તીવ્ર વેગથી ગતિ કરતી કારમાં બેઠેલા છે. અચાનક એક કીટક (Insect) ગાડીની સામેના કાચ પર અથડાય છે અને ચોંટી જાય છે. અખ્તર અને કિરણ આ સ્થિતિ પર વિચાર કરે છે. કિરણ એવું કહે છે કે, કીટકના વેગમાનમાં થતા ફેરફારનું મૂલ્ય કારના વેગમાનમાં થતા ફેરફારના મૂલ્યની સાપેક્ષમાં ખૂબ જ વધારે છે. (કારણ કે કીટકના વેગમાં થતા ફેરફારનું મૂલ્ય કારના વેગમાં થતાં ફેરફારના મૂલ્ય કરતાં ખૂબ જ વધારે છે.) અખ્તર એમ કહે છે કે કારનો વેગ પ્રચંડ હોવાથી કાર દ્વારા કીટક પર ખૂબ જ મોટું બળ લાગે છે જેના પરિણામે કીટક મૃત્યુ પામે છે. રાહુલે એક નવો વિચાર આપતાં કહ્યું કે કાર તથા કીટક બંને પર સમાન બળ લાગ્યું તથા તેમના વેગમાનમાં સમાન ફેરફાર થયો.

આ વિચારો પર તમારી પ્રતિક્રિયા જણાવો.